又有香港運動員喺國際賽事攞到獎喇！年僅13歲嘅麥卓穎，前日喺意大利加爾達湖嘅滑浪風帆世界錦標賽，攞到女子U15組別冠軍，分分鐘成為「風之后」李麗珊嘅接班人呢。特首梁振英尋日就喺facebook發帖（圖），恭賀卓穎攞到好成績。CY話，卓穎係「風之隊」嘅新星，成功頂住壓力，雖然一度跌落總排名第三位，但之後憑住凌厲後勁，最後幾場賽事全力發揮，終於成為世界冠軍。CY仲話，再次祝賀卓穎及其隊友喺國際賽事奪得佳績。
另外呢，CY仲祝賀香港男子花劍隊崔浩然、蔡俊彥、李逸朗和柯俊而在東京舉行嘅亞洲23歲以下劍擊錦標賽，奪得男子花劍團體賽金牌。「港隊的拚搏精神，令人佩服。港隊好嘢！」
