圖：游蕙禎、毛孟靜變咗老友，仲拉埋另一名仲未宣誓嘅劉小麗一齊出席活動\游蕙禎Facebook圖片
正所謂「近朱者赤，近墨者黑」，你的朋友如何，你的日子也必如何。青年新政游蕙禎自從上周三強闖議事廳時畀公民黨毛孟靜（毛姨姨）攬到實一實，即刻變咗老友，仲拉埋另一名仲未宣誓嘅劉小麗一齊出席活動，一老一嫩「像對孖公仔報喜」咁分別喺Facebook帖文，毛姨姨繼續攬住游蕙禎。
雖然游蕙禎喺FB話要同街坊討論民生，「從中聆聽街坊對我們的期望，未來亦會推動可持續發展社區政策」，不過網民反應就相當冷淡，Jack Hui話：「其實你做乜都冇用，你搞得『港獨』，喺立法會玩嘢，根本就冇做議員嘅資格」；Keith Chan更諷刺三人：「扮曬嘢，見到你哋三個好噁心。」
