喺「大是大非」面前，莫講話議員，連市民都要出句聲，就連藝人邵音音（音音姐）尋日都晨早去到立法會外，反對嗰兩隻游、梁。
話說尋日音音姐到場支持反辱華集會，雖則無化妝，但係都被記者認出。音音姐同記者講，話游蕙禎同梁頌恆，根本都唔識中國文化，唔應該做議員，「知唔知日本人叫中國人做支那係咩意思？日頭要來工作，夜晚要來瞓覺，可以殺嘅先叫支那」。
音音姐又愈講愈勞氣，佢仲話，集會上明顯好多人都係自發，否則咁早，個個都瞓覺啦，仲出嚟做乜呀？
