「反辱華反港獨」大聯盟集會最高峰時有成1.6萬人聚集，現場雖然群情洶湧，但每位集會人士都好有秩序，離開嗰時仲做到垃圾一件都不留，真係抵讚！
話說，尋日上晝氣溫其實差唔多成攝氏30度，好多團體都喺現場派支裝水，鄭晴最初喺現場見到嗰陣都擔心，散會時一地都係垃圾。殊不知，啲示威者都好有公德心，帶幾多件嘢嚟，就帶幾多件嘢走，甚至有市民仲自發幫手清理現場，就連掛橫額用嘅塑膠帶扣都全部執起。搞到班至叻乘機抽秤、小題大做嘅反對派都無位入添。
講到底，其實愛國、愛香港，唔係靠把口嘅，生活上一件小事都可以睇得出，你有幾喜歡自己嘅國家、城市。鍾意自己國家嘅，又點捨得破壞佢呢？鄭晴真係好慶幸香港仲有呢班市民！
