徐英偉喺Facebook上貼文，話「決定罷玩及移除Pokémon GO」
青年新政兩位仁兄喺立法會宣誓時玩出火，更將「China」讀成「支那」，引來大批市民聲討。不過，鄭晴睇報紙時就發現，有支持者竟然死不悔改，仲將手機遊戲Pokémon GO，一個位於沙田帝都酒店名為「六支旗桿」的Poké Stop內，加入「支那國旗」四隻字。呢個舉動唔單止引嚟大批玩家不滿，就連民政事務局局長政治助理徐英偉（Caspar）都話要罷玩！
Casper前日一聽到呢個消息就喺Facebook上貼文，話「決定罷玩及移除Pokémon GO」，仲喺Hashtag都寫明「六支旗桿」以表憤怒，仲話其實自己已經好耐無玩，獲得唔少人讚好添。其實「支那」呢個字近日引起華人憤怒同關注，鄭晴都覺得，遊戲商應該關注多啲，唔好畀「播獨分子」借機抽水啦。
