唔少人怕血怕痛，聽到捐血就耍手擰頭，但鄭晴知道血液係無代替品，來源全賴市民愛心捐輸，近日卻因為唔夠人去捐血導致「鬧血荒」。
啱啱過咗嘅中秋節假期唔少人離港旅行，加上新學年校園捐血活動剛開始，香港紅十字會輸血服務中心一直未能達到每天1100人捐血嘅目標，血庫整體存量仲下降至新低水平，中心緊急呼籲大家去捐血，維持血液供應正常。
其實捐血只係花約一個小時，年齡介乎16至60歲、體重逾41千克健康人士就可加入捐血者行列，18歲或以上男女可以分別隔75日及105日捐血一次，年屆16至17歲青少年就要隔150日先可以捐一次血。鄭晴覺得，捐血可以救人，又可補充血庫存量，大家快啲約埋三五知己一齊去捐血啦。各捐血站地址同埋開放時間，可以打2710 1234或上呢個網www.ha.org.hk/rcbts了解嚇。
