圖：黃大仙師寶誕進行中，善信一齊唱誦經文\大公報記者郭艷媚攝
究竟民政事務局局長劉江華、天文台台長岑智明同中文大學醫學院副院長胡志遠有咩共通點呢？不如等鄭晴話畀大家知啦，查實佢哋三位都係聖保羅書院畢業㗎！今年就係書院165周年校慶，佢哋將會齊齊返母校，做慈善跑主禮嘉賓。
聖保羅書院為慶祝165周年會係星期日辦10公里慈善跑，劉江華、岑智明、政府新聞處處長黃智祖同胡志遠，都以舊生身份返母校做主禮嘉賓。
另外，學校仲邀請165位舊生參與，包括1999年十大傑出青年的失明校友莫儉榮、財經節目主持及演員蔡康年、男子飛人古偉明同樂視體育高級新聞主播姚雋彥。係聖保羅書院嘅舊校舍會督府起步，沿途經過般含道嘅聖保羅書院校舍，最後在域多利道聖保羅書院小學新校舍衝線，希望透過穿梭新舊校舍之間嘅歷史長廊，連結聖保羅書院嘅過去、現在與未來，一同以兩小時感受165年嘅歷史體驗！
