香港自嵌機B-KOO「香港起飛」日前終於完成咗最長嘅航程，唔少香港人知道後都相當高興。特首梁振英（CY）（圓圖）尋日發表網誌，祝賀「香港起飛」順利完成近15小時飛越太平洋的航程。CY上月底喺機場主持「香港起飛」啟航儀式，機長鄭楚衡（Hank）就話，成個行程最大挑戰就係呢一段，由於要儲夠燃油，連本來坐後座嘅工程師達仁（Gary）都唔可以跟Hank一齊飛。
今次能夠完成近15小時嘅單人成功飛越，證明咗Hank不單有飛行技術，仲有堅強意志，當然唔少得整個團隊喺香港同美國協調嘅努力。CY仲祝賀Hank、Gary佢哋團隊，同埋一眾參與組裝飛機嘅同學仔，以及預祝Hank順利完成餘下航程。CY仲話，相信香港有唔少年輕人對飛行充滿期待，而政府就幫佢哋實踐飛行夢。
