圖：猜燈謎當然難唔到Eunice啦
中秋節啱啱就過咗，一眾巴絲打又係時候起身返工。不過，總有人為咗籌備大大小小的節慶活動，犧牲同家人共聚賞月的時間服務市民，新民黨候任立法會議員容海恩（Eunice）就話，因為呢班熱心人，過咗個好溫暖的中秋節，十分感恩。
Eunice話，中秋正日嗰日同新民黨副主席潘國山（山哥）去咗粉嶺昌盛苑參加佢哋中秋節嘉年華，現場仲有攤位遊戲同猜燈謎等活動，贏嘅話仲有獎，可以去換領站換取禮物同美食。大律師出身嘅Eunice當然有番咁上下聰明才智，燈謎算咩！真正令佢驚訝嘅係，美食換領站中竟然仲有傳統小食麥芽糖及剝皮柚子肉，細問之下，先知係一班地區工作人員嘅「精心傑作」。
Eunice即時好感慨咁同鄭晴講，大部分人中秋節都會跟家人團聚，所以好感謝地區工作人員及義工們為咗令居民開心，犧牲同屋企人團聚嘅時間籌備活動，認為精神十分可嘉。計鄭晴話，好似Eunice咁喺中秋節仍然四出與民同樂，由生活細節上心繫市民嘅候任議員，而唔似某些人咁唯恐天下不亂，呢啲先至係精神可嘉。
