圖：田北辰同牛牛講政綱
新界西選區覆蓋嘅範圍非常之大，由元朗、屯門遠至大嶼山離島等等都係新西「地頭」，新民黨新西候選人田北辰（阿田）同七位團隊成員，尋日就一齊殺入大嶼山長沙拉票，不過「田七團隊」今次唔單止係對「人」拉票，仲對新界西「牛」居民拉票添。
大嶼山風景好就人所共知，新民黨七個大細路尋日就親身入到去感受下大自然氣息，仲趁拉票之餘嚟到「遠近馳名」既長沙沙灘踢浪輕鬆下。唔知係咪玩得開心得滯，突然嚟咗班「不速之客」，有十幾隻牛牛跟住阿田喺沙灘漫步，眼見咁多Fans上前，阿田梗係展現親和力一齊合照啦，仲同牛牛講埋佢政綱內容，睇嚟新民黨嘅魅力真係連牛都沒法擋。不過，對「牛」拉票，唔知班牛牛明唔明阿田份政綱講乜呢？
鄭晴提提你，除咗田北辰之外，新界西候選人名單仲有梁志祥、陳恒鑌、麥美娟、周永勤、何君堯、尹兆堅、郭家麒、黃俊傑、馮檢基、黃潤達、朱凱迪、黃浩銘、李卓人、湯詠芝、張慧晶、高志輝、鄭松泰、呂智恆、鄺官穩。
