圖：馬廖千睿（中）示範點樣整焗椰汁年糕，女兒馬嘉烯（左）一直喺隔籬幫手 /大公報記者石璐杉攝
港區全國人大代表馬豪輝太太馬廖千睿出名廚藝精湛，鄭晴星期日去行美食博覽，咁啱見到馬太出席「星級名廚烹飪示範」環節，向市民開心分享佢嘅烹飪秘訣。馬太為大家帶來兩道簡單美味的私房菜─「焗椰汁年糕」和「桂花醉鴨舌」。
椰汁年糕大家成日食，但馬太在配方中加入咗花奶，再用焗爐焗出來，鄭晴當場試食，個年糕味道零舍香濃，咬落又好彈牙添。馬太話，佢每年農曆新年都要做300幾個年糕送給親朋好友，所以本身係專業人士嘅女兒馬嘉烯（Flora）臨過年嘅時候都會請大假，每日九點就返屋企幫媽媽手。「星級媽媽」馬太今次做烹飪示範，Flora當然都落手落腳做「二廚」啦。馬太話齋，佢最開心就係用食物凝聚家人，承傳家嘅味道，所以佢即將出版嘅第三本食譜就叫做：「愛，在家裏」，呢本食譜嘅收入同之前一樣，全部用作慈善用途。
