圖：工聯會有個靚女義工Regina（中）幫手站台／大公報記者林良堅攝
尋日工聯會郭偉強（阿強）喺筲箕灣舉行宣傳活動，鄭晴離遠發現有個靚女義工站台，當然要了解下啦！吳秋北話，見到呢位義工以往都有積極參與工聯會嘅活動，所以今次專登搵佢嚟幫手。靚女義工嘅英文名仲要同新民黨主席葉劉淑儀一樣，都係叫Regina。呢個Regina就係從事商貿工作嘅，佢加入工聯會都係因為理念相同，同埋工聯會肯幫青年向上流動。Regina又話，而家社會好多紛爭，希望政府都畀多啲機會讓青年向上流動。
參選港島區嘅候選人仲有：張國鈞、葉劉淑儀、許智峯、陳淑莊、鄭錦滿、羅冠聰、司馬文、王維基、沈志超、詹培忠、徐子見、何秀蘭、劉嘉鴻、黃梓謙。
