圖：阿Bill好輕鬆咁全程由頭帶到尾，仲保持到當年划艇隊水準/大公報記者林良堅攝
尋日係2016年全港大學賽艇錦標賽，中大划艇隊勇奪多個獎項。見到一眾健兒咁勇猛，身為前中大划艇隊隊長嘅工聯會鄧家彪（阿Bill）自然唔輸蝕，尋日舉行「Bill Up Running」造勢活動，帶住30幾人由大埔元洲仔公園出發跑去科學園，仲好輕鬆咁全程由頭帶到尾，似乎仲保持住當年划艇隊水準喎！
阿Bill就同鄭晴講，雖然無辦法親身到場支持香港八大艇隊比賽，但都希望用另一種方式幫一眾健兒，同埋幫自己加油，更加話自己唔係嚟「陪跑」而係「領跑」，唔會輸畀以前好Fit嘅自己，亦唔會輸畀其他立法會參選人！中大划艇隊今年就繼續稱王啦，鄭晴都祝願阿Bill喺選舉中都可以旗開得勝啊！
鄭晴提提你，阿Bill係新界東立法會候選人，其他候選名單仲有葛珮帆、陳克勤、容海恩、李梓敬、方國珊、林卓廷、楊岳橋、張超雄、范國威、侯志強、梁國雄、陳志全、麥嘉晉、廖添誠、黃琛喻、鄭家富、陳雲根、陳玉娥、李偲嫣、梁頌恆、梁金成。
