圖：田北辰就好體貼，落手落腳幫工作人員貼宣傳單張度地址label /網上圖片
立法會選舉不單止候選人要奔波勞碌，一班前線工作人員其實都好辛苦㗎，既要幫手擺街站，又要落力派單張，而身為「良心老闆」嘅新界西候選人、新民黨常務副主席田北辰（MT），就好體諒佢哋嘅辛苦喇，最近仲一齊落手落腳，係宣傳單張度貼地址label添。MT就同鄭晴講，近排要將個人嘅英文宣傳單張，寄畀一啲少數族裔嘅家庭，大概有8000幾份，數目都唔少，所以都幫下手，順便為工作人員打下氣。
MT仲話佢係好關心少數族裔嘅需要，尤其係小朋友要學好中文，否則將來因為中文差而失去好嘅工作機會，就會影響佢哋向上流動。鄭晴提提你，新界西候選人名單仲有梁志祥、陳恒鑌、麥美娟、周永勤、何君堯、尹兆堅、郭家麒、黃俊傑、馮檢基、黃潤達、朱凱迪、黃浩銘、李卓人、湯詠芝、張慧晶，高志輝，鄭松泰、呂智恆、鄺官穩。
