圖：楊全盛同鄭晴講而家興電子3D度身
鄭晴一路都覺得，男士裝身肯定要靠西裝，要整靚西裝梗係要去中環老舖度身訂造先夠fit身。不過原來呢個觀念已經好old school，本身係IT達人嘅軟件行業協會主席楊全盛（Eric）近排就話畀鄭晴知，人工度身已經out啦，而家興電子3D度身咁話！喺巧犀利嘅新科技發威之下，顧客只需要行入專門的「度身房」，14個精密嘅感應器就會360度無死角度勻全身。
Eric話，傳統師傅度身，一般只係度廿幾個尺寸，電子度身喺唔到10秒內就完成120個尺寸嘅量度，造出來嘅西裝自然係更加fit身啦。佢又同鄭晴講，自從知道香港有呢類西裝舖之後，一直都想去造套新衫，順便支持下新科技，不過最近選舉忙到爆，只可以押後計劃啦，鄭晴都好想去試一試添。鄭晴提提你，楊全盛已參選資訊科技界，仲有一位候選人是莫乃光。
