圖：村民特別送咗啲茶果畀祥哥食
香港嘅多元文化中，梗係包括鄉村文化啦！一向被稱為「元朗地膽」嘅新界社團聯會會長、民建聯立法會議員梁志祥（祥哥）尋日喺佢嘅社交網站專頁，就上載咗一段短片，提到佢同身兼新界社團聯會榮譽會長嘅新界鄉議局副主席張學明，以及屏山鄉事委員會主席曾樹和，一齊到元朗屏山輞井圍探望下啲鄉親同探討下鄉村問題。輞井圍嘅鄧村代表同啲村民仲特別送咗啲用蘿蔔嚟整嘅茶果畀祥哥食添，認真滋味！
祥哥呼籲大家多到鄉村遊覽，認識下本地嘅鄉村文化。而佢就非常支持保留鄉村文化喇，政府一定要保留本土鄉村文化。喺短片中，祥哥仲出動埋圍頭話添，真係不愧為「元朗地膽」呢！
鄭晴提提你，祥哥參選咗立法會新界西直選，呢區嘅其他候選名單仲有：陳恒鑌、麥美娟、田北辰、周永勤、何君堯、尹兆堅、郭家麒、黃俊傑、馮檢基、黃潤達、朱凱迪、黃浩銘、李卓人、湯詠芝、張慧晶，高志輝，鄭松泰、呂智恆及鄺官穩。
