圖：今年2016年，咁啱Ben就抽到16號\資料圖片
立法會選舉嘅候選人名單一屆比一屆長，候選人編號都一屆比一屆多，好似新界西咁，認真誇張，上屆已經有16張名單，今屆仲有20張名單咁多，所以候選人要點樣令市民記住佢哋，確實要各出奇招，少啲心思都唔得。鄭晴聽聞，民建聯陳恒鑌（Ben）就諗到一個好好嘅方法，令到啲市民唔記得佢都難。係咩奇招咁犀利？原來阿Ben喺上屆立法會選舉，即係2012年，佢嘅參選編號係12號，所以當年口號就係「2012投12！」今年2016年，咁啱Ben就抽到16號，所以佢話，嗌咪時照抄四年前嘅橋：「2016投16！」哈，呢條橋真係work噃，鄭晴都覺得，真係咁啱得咁橋啊。
鄭晴提提你，阿Ben係九月立法會新界西直選候選人，其他候選名單仲有：梁志祥、麥美娟、田北辰、周永勤、何君堯、尹兆堅、郭家麒、黃俊傑、馮檢基、黃潤達、朱凱迪、黃浩銘、李卓人、湯詠芝、張慧晶、高志輝、鄭松泰、呂智恆及鄺官穩。
