里約奧運係最近嘅全球焦點，好似尋日啱啱贏得奧運女子100米背泳銅牌嘅國家隊泳員傅園慧咁，因為佢可愛嘅性格，同埋接受傳媒訪問時謙虛嘅態度，一夜之間成為網絡紅人，會游水嘅emoji被封「表情天后」，佢嗰句「已經使出洪荒之力」仲成為咗最新嘅網絡潮語添。挑戰「超級區議會」議席嘅工聯會立法會議員王國興（興哥）都係facebook貼出傅園慧的漫畫。今年九月立法會選舉嘅競爭分分鐘激烈過奧運，興哥喺政界中出名勤力，佢就話要向傅園慧學習，「使出洪荒之力」為打工仔爭權益，為打工仔拚搏喇！鄭晴都想同老闆講，我工作好勤力，日日都有「使出洪荒之力」啊！
鄭晴提提你，立法會超級區議會其他候選名單仲有：李慧琼、周浩鼎、陳琬琛、梁耀忠、塗謹申、鄺俊宇、關永業及何啟明。
