圖：容海恩去咗馬鞍山茶樓同啲街坊傾下偈
一向被譽為「美食天堂」嘅香港，傳說有一個被當區居民稱為「美食沙漠」嘅地方，嗰度就係馬鞍山啦，不少居民都投訴好難搵好嘢食。獲美譽為「法律界桂綸鎂」的新界東立法會參選人、新民黨義務法律顧問容海恩（Eunice），前日就深入呢個「美食沙漠」接觸街坊，又睇下呢個「美食沙漠」係咪真有其事。
走訪四酒樓同茶客打招呼
Eunice同鄭晴講，新港城中心周邊其實有特色食店，只係為數唔多。無特色食店都唔怕，因為呢度酒樓多，由新港城中心至富安花園商場，已經有四家酒樓，佢仲逐間走訪同啲茶客打招呼添，相信鍾意嘆一盅兩件嘅朋友，就唔會認為馬鞍山係「美食沙漠」。
本身喺香港青年專業網絡主席嘅Eunice又話，關注年輕人係佢選擇從政嘅一大原因，睇見依家嘅年輕人，向上流動機會畀佢當年更困難，相信佢哋要走上街頭，唔係難教或者鑽牛角尖，而係社會真係出咗問題，政府好應該協助佢哋，畀機會佢哋向上流。新界東候選人名單仲有：葛珮帆、陳克勤、鄧家彪、李梓敬、方國珊、林卓廷、楊岳橋、張超雄、范國威、侯志強、梁國雄、陳志全、麥嘉晉、廖添誠、黃琛喻、鄭家富、陳雲根、陳玉娥、李偲嫣、梁頌恆、梁金成。
