圖：「雷動」想借傻鴨過橋，點知抽錯水
Pokémon GO人氣高企，唔少人都借小精靈來宣傳，希望吸引到一眾「訓練員」嘅注意。「佔中」搞手戴耀廷發起嘅「雷動計劃」亦都借Pokémon GO來吸睛。佢哋喺自己嘅Facebook上載咗一張「傻鴨」嘅連環圖，搞到好似要教識傻鴨跟「雷動」投票咁話。搞手或者就以為自己抽水抽得好叻，不過條帖文上載咗差唔多一日，最終都係得嗰120個like同一條留言，真係慘過「公廁蝠」，唔知到底係傻鴨傻，定「雷動」傻啦。
鄭晴仲聽到好多關於Pokémon GO嘅傳聞，有人就話，有外國勢力想借呢個遊戲尋找喺世界各地嘅秘密軍事基地。話時話，近排真係有新聞話外國有人為捉小精靈誤闖禁區，喺香港都出現有「訓練員」亂入球場撞親嘅事故。鄭晴溫馨提示，大家真係要睇路啊！
