圖：「琳鋒鼎李」尋日就喺大埔搞咗場「超級浩鼎乒乓波大賽」

　　2016年里約奧運正式開幕，全港捲起一陣「運動熱」。民建聯「超級議席」候選人周浩鼎（Holden）團隊「琳鋒鼎李」尋日就喺大埔搞咗場「超級浩鼎乒乓波大賽」，響應全民運動日之餘，又為正喺巴西奮戰嘅國家隊同港隊打氣，希望獎牌愈拎愈多！

　　Holden尋日夥拍團隊成員李世榮組成「超級」隊，與另外兩位成員林琳、巫成鋒嘅「無敵」隊「內鬥」，邊打乒乓波邊回答主持人出嘅題目。頭兩局「無敵」隊就佔曬上風啦，無論係對國家隊嘅打氣說話，定系數周浩鼎團隊嘅優勝之處都如數家珍；不過到第三局講到對香港願景，Holden就反超前對方，話希望香港行正路、市民安居樂業、長者生活有尊嚴等，對手都招架唔住，最終以10比8贏咗！

　　Holden同鄭晴講，其實佢好少打乒乓波，反而鍾意玩Rugby（欖球）喎；仲話雖然唔算好叻，但覺得運動最緊要玩得開心。Holden覺得呢項運動講求合作性同默契，需要團隊齊心，就好似地區工作咁，市民要團結先可以推動香港發展。「琳鋒鼎李」咁有默契，鄭晴希望佢哋係選舉中都可以創出佳績啊！

　　超級區議會候選人還有李慧琼、王國興、陳琬琛、梁耀忠、塗謹申、鄺俊宇、關永業、何啟明。