圖：吳剛師傅（左三）同祥哥原（左四）來係中學師兄弟嚟㗎\大公報記者何嘉駿攝
見到已退出演藝界多年嘅吳剛師傅，大家會諗起乜？鄭晴就會諗起搽油、食炭、飲滾油同埋佢賣力為慈善嘅精神啦。不過，唔講唔知，原來吳剛師傅同競逐連任嘅民建聯立法會議員梁志祥（祥哥）係中學師兄弟嚟㗎，吳剛師傅尋日仲專登去屯門幫祥哥站台、打氣添，認真夠朋友。
吳剛師傅話，佢嘅學長，即係祥哥，為香港同新界西出咗好多力，所以祥哥爭取連任，佢一定要支持，支持9號梁志祥咁話。吳剛師傅又話，希望大家為咗香港嘅福祉，港人嘅下一代，建構一個和諧、充滿溫暖同正能量嘅社會，一定要支持梁志祥團隊！吳剛師傅咁撐祥哥，唔知新界西嘅市民未來一個月會唔會再見到師傅呢？又會唔會有人咁有眼福睇到師傅嘅高難度表演呢？
鄭晴提提你，祥哥係九月立法會新界西直選候選人，其他候選名單仲有：陳恒鑌、麥美娟、田北辰、周永勤、何君堯、尹兆堅、郭家麒、黃俊傑、馮檢基、黃潤達、朱凱迪、黃浩銘、李卓人、湯詠芝、張慧晶、高志輝、鄭松泰、呂智恆及鄺官穩。
