由一條魚轉變成一條鹹魚，到底要經歷啲咩？唔係人生中嘅大起大落，而係室外露天嘅「一夜晴」。陳恒鑌（Ben）尋日就入長洲探訪，順便就搵當地街坊請教點樣醃製馬友鹹魚。唔講唔知，原來新鮮馬友清理好魚鱗內臟，抹埋鹽之後，就要搵一個天晴嘅夜晚，將鮮魚拿出室外風乾，等條魚慢慢收水。如果情況理想，經過一晚，鮮魚就會變身成為靚鹹魚。阿Ben知道之後，都不禁O嘴，笑住話原來鹹魚係經過「一夜晴」誕生嘅。佢最後，就引用咗星爺嘅經典對白：「人如果冇夢想，咁同鹹魚有咩分別？」阿Ben嘅夢想，就真係好難估，不過講到佢最近有咩目標，鄭晴就話肯定就係爭取連任啦。
鄭晴提提你，陳恒鑌已經報名參選新界西立法會選舉，其他參選名單包括：梁志祥、麥美娟、田北辰、周永勤、何君堯、尹兆堅、郭家麒、黃俊傑、馮檢基、黃潤達、朱凱迪、黃浩銘、李卓人、湯詠芝、張慧晶、高志輝、鄭松泰、呂智恆、鄺官穩。
