一直為全港打工仔女生計奔波嘅工聯會鄧家彪，過去一年幫一班「欠薪纍纍」的前亞洲電視員工追討賠償，大家都「有眼睇」。連「亞視之寶」劉錫賢都大讚話：「如果冇阿彪，我哋（亞視員工）好多人可能已餓死咗！」（上圖）
阿彪日前喺Facebook分享咗段短片，片中劉錫賢講返亞視員工嘅辛酸，佢大爆話亞視執笠嘅時候，好多議員口講話為員工爭取權益，「但其實見完我哋影完張相，就影都唔見埋，得阿彪一個由頭跟到尾」，仲話如果唔係佢，今日員工仲活喺水深火熱之中。阿彪就寫下感言，分享自己追「薪」經驗，認為只有團結勞工，集合打工仔力量，先可以堅守勞工權益嘅目標。
Chok如福山雅治
唔單止咁，阿彪仲喺Facebook上載咗張同隊友曾勁聰、譚金蓮一齊影嘅新相，企係中間既阿彪好認真托住個頭，話要「齊剪布 闖新路」。Chok得咁型，唔怪得連網民都大讚佢似日本男神福山雅治演嘅神探伽利略啦。
阿彪已經報咗名參選新界東，其他候選人仲有葛珮帆、陳克勤、容海恩、李梓敬、方國珊、林卓廷、楊岳橋、張超雄、范國威、侯志強、梁國雄、陳志全、麥嘉晉、廖添誠、黃琛喻、鄭家富、陳雲根、陳玉娥、李偲嫣、梁頌恆、梁金成。
