圖：游蕙禎同班「戰友」前日趁「泛民」搞事嗰陣，喺附近好開心咁自拍\大公報記者麥潤田攝

　　主張「港獨」嘅本土民主前線梁天琦，前日被選舉主任取消咗參選立法會嘅資格，反對派就喺選管會搞嘅候選人簡介會爭相上演激進「抗爭」嘅戲碼，社民連同人民力量就「例牌」衝上台搶咪，反而獲本民前力撐嘅青年新政竟毫無「勇武行動」噃。

　　參選新東作為梁天琦「後備」嘅梁頌恆、九龍西嘅游蕙禎同新界西嘅黃俊傑，仲要趁「泛民」搞事個陣，喺附近好開心咁自拍，鄭晴嘅攝記同事好叻叻，咁啱就影到呢一幕。而最識自拍嘅廣大「宅男」女神，蕙禎BB（游蕙禎）就企正中間，畀一班「勇武青年」包圍，仲要個個笑得好燦爛。蕙禎BB前晚仲要將相片放上Facebook，留言話「加油」，疑似諷刺正在搞事嘅「泛民」，結果水沒抽成，反而被網民鬧爆。蕙禎BB後來搞到要刪Post認衰道歉，認真捉蟲！都話港女鍾意selfie，去到邊度都要自拍，鄭晴今次真係明白曬！

　　鄭晴提提你，新界東候選人名單仲有：葛珮帆、陳克勤、鄧家彪、容海恩、李梓敬、方國珊、林卓廷、楊岳橋、張超雄、范國威、侯志強、梁國雄、陳志全、麥嘉晉、廖添誠、黃琛喻、鄭家富，陳雲根、陳玉娥、李偲嫣、梁金成；九龍西候選人名單仲有：蔣麗芸、梁美芬、狄志遠、譚國僑、黃碧雲、劉小麗、李泳漢、朱韶洪、黃毓民、何志光、關新偉，毛孟靜、吳文遠、林依麗；新界西候選人名單仲有：梁志祥、陳恒鑌、麥美娟、田北辰、周永勤、何君堯、尹兆堅、郭家麒、馮檢基、黃潤達、朱凱迪、黃浩銘、李卓人、湯詠芝、張慧晶、高志輝、鄭松泰、呂智恆、鄺官穩。