圖：賢仔趕返屋企途中，就上咗「麥的」

　　鄭晴有無睇錯，工聯會麥美娟（Alice）出品嘅《麥工Ⅱ》出第二集？即係《麥工Ⅱ》之2呢？定係《麥工2.2》？上一集呢，Alice就搵咗位演技拍得住周迅嘅九歲妹妹，粉墨登場拍微電影演妹頭講起美容業問題。今回Alice繼續好戲，夥拍競選團隊成員馮沛賢（賢仔）飾演妹頭爸爸，齊齊演出，大講打工仔辛酸。

　　鏡頭一開始，一片陰沉，仲見到有個着廚師服嘅人瞓咗喺度，郁都唔郁，鄭晴隔住個「MON」都差啲想幫佢報警呀，好彩嚟「頂更」嘅法哥出現，叫醒賢仔，仲提佢返屋企同囡囡妹頭慶生。呢位客串嘅法哥來頭唔小，佢係「真．廚師」蘇社法，夠曬寫實呢！

　　講返條片，賢仔正係趕返屋企途中，就上咗「麥的」，同Alice演技大鬥法，道出長工時辛酸。不過好戲在後頭，最後鏡頭邊影住Alice揸車，邊用「Voice over」讀出「努力工作都是為了頭家，但邊個會為佢地（勞工）設想呢？」加上偏暗鏡頭，睇完都有點心酸。鄭晴都好想放工啊！

　　鄭晴提提你，已報名參選新界西嘅仲有一定長過標準工時嘅名單如下：梁志祥、陳恒鑌、田北辰、何君堯、周永勤、尹兆堅、郭家麒、黃俊傑、馮檢基、黃潤達、朱凱迪、黃浩銘、李卓人、張慧晶、高志輝、湯詠芝、鄭松泰、中出羊子、呂智恆、鄺官穩。