圖：阿Bill頻頻落區 大公報記者林良堅攝
炎炎夏日，令到好多人都唔想出門，齋留喺屋企嘆冷氣（Pokémon GO精靈訓練員除外）。不過工聯會立法會新界東參選人鄧家彪（Bill）近日就頻頻落區擺街站，朝早仲喺將軍澳，中午就瞬間轉移去大埔，有街坊行過見到佢仲話：「東涌先見完你，大埔又見到你？」
鄭晴就喺大埔撞到阿Bill擺街站，見到他一身古銅色的肌膚，似乎同宣傳海報上面唔同色喎，真係差啲認錯係古天樂。阿Bill笑住咁話自己絕對無改圖，只係近排成日擺街站日曬雨淋所以黑咗好多。
已報名參選新界東名單嘅仲有，葛珮帆、陳克勤、容海恩、李梓敬、方國珊、林卓廷、楊岳橋、梁天琦、張超雄、范國威、侯志強、梁國雄、陳志全、麥嘉晉、廖添誠、黃琛喻、鄭家富、陳雲根、陳玉娥、李偲嫣。
