圖:街坊個個都好似當曬黃國健係小精靈咁,舉高鏡頭對住佢「捕捉」
Pokémon GO熱爆全城,人人行街都拿住部手機影下影下咁捉小精靈。話說KK(黃國健)facebook就有張新相,相裏面啲街坊個個都好似當曬KK係小精靈咁,舉高鏡頭對住佢「捕捉」。唔通KK真係咁稀有,所以吸引到咁多訓練師?唔係啊,原來當日啱啱落完雨,觀塘出現一條大彩虹,唔少人都暫停捉精靈,轉做攝影師。KK企個位又啱啱好喺彩虹前面,所以先吸引到咁多人舉機影相。
黃國健已經報名參選九龍東立法會選舉,其他已報名名單包括柯創盛、謝偉俊、譚文豪、胡志偉、陳澤滔、胡穗珊、譚香文、譚得志、黃洋達、高達斌及呂永基。