圖：祥哥呼籲「訓練員」要留心周圍環境
Pokémon GO遊戲熱潮登陸香港後真係非同小可，唔少市民好似中咗邪咁，隨時隨地變成「精靈訓練員」，其中喺天水圍天秀路公園，入夜之後竟然有過千人喺度聚集，齊齊攞住部手機「捉精靈」。喺天水圍做咗廿幾年區議員嘅梁志祥（祥哥）都同鄭晴講，估唔到個遊戲咁受歡迎，但佢擔心啲「訓練員」掛住玩，喺馬路亂衝亂撞，危及自身安全，所以都呼籲下玩遊戲嘅人要留心周圍環境，避免影響到其他人，亦唔好搞惡作劇。咁祥哥自己又有無興趣試玩呢？祥哥就話登記好麻煩，而且一向係足球健將嘅佢，覺得落場踢波更有益身心喎。鄭晴又提提你，祥哥早前已報名參選了立法會新界西選區，其他名單還有陳恒鑌、麥美娟、田北辰、周永勤、何君堯、尹兆堅、郭家麒、黃俊傑、陳浩天、馮檢基、黃潤達、朱凱迪、黃浩銘、李卓人、湯詠芝、張慧昌、高志輝。
