圖：樹根哥同阿BEN大談退休生活　　　　　　　　 網絡截圖

　　為人風趣幽默嘅鍾樹根，今次就同黨友陳恒鑌（Ben）吹下水，講下將來嘅退休生活。樹根哥話，自己咁多相機同鏡頭，退休咪影下相，不過性感model就無得影，惟有影下啲花花草草。Ben又問到，即係會唔會有其他嘢做呢？樹根哥又無嚟正經，話自己退休生活好奢華喎，自己咁多Leica，但唔會再買相機同埋Hi-Fi，屋企已經有幾百隻碟未聽，得閒就會同老婆去旅行。當然樹根哥都有感性嘅時候，佢話退休唔係人生嘅下半場，係另一條跑道。

　　阿Ben亦都順便推銷下自己嘅政綱，佢希望政府推出長者創投基金，因為長者有好多經驗，應該畀長者試下唔同嘅發展。樹根哥即刻話，長者真係好多經驗㗎，又有Hidden Knowledge，只能口傳呢！所以長者對社會有好大嘅好處。無論樹根哥繼續做議員又好，退休又好，鄭晴喺度都祝願樹根哥生活愉快！

　　參選港島區嘅參選人仲有郭偉強、葉劉淑儀、許智峯、陳淑莊、鄭錦滿、羅冠聰、司馬文、王維基、沈志超、何秀蘭、劉嘉鴻、詹培忠、黃梓謙。

　　而新界西嘅參選人就有梁志祥、麥美娟、田北辰、周永勤、何君堯、尹兆堅、郭家麒、黃俊傑、陳浩天、馮檢基、黃潤達、朱凱迪、黃浩銘、李卓人、張慧晶、高志輝、湯詠芝。