圖：葉太拜託朋友喺美國買牙膏
次次有同事、朋友去旅行，返嚟香港都會帶好多手信畀鄭晴，大家都係買零食最多。但估唔到有人專門託朋友喺美國買牙膏返香港做手信噃，呢個人就係新民黨主席葉劉淑儀喇。大家都知，葉太曾經喺史丹福大學留學，呢排佢有個同學仔Selina同埋佢家人一家六口嚟香港玩，葉太梗係要盡下地主之誼。Selina亦都好客氣，嚟港前問葉太要乜手信，葉太竟然就拜託佢買幾支牙膏！鄭晴都忍唔住問：「點解嘅？點解嘅？點解嘅？」
葉太就自己喺facebook解畫話，美國嘅貨倉式超級市場，日用品價錢比香港超市平好多。喺香港買一支牙膏嘅價錢，喺美國已經夠買一排五支。所以每次有朋友喺美國嚟香港，葉太都會叫佢哋帶啲日用品嚟哦。鄭晴預計呢五支牙膏，夠葉太用一年了，廣告都話：「牙齒夠clean，笑容夠charm。」不過，鄭晴發覺葉太通常笑不露齒，否則真係做得品牌代言人啦。
葉劉淑儀已參與立法會港島區直選，當區名單還有：民建聯張國鈞、工聯會郭偉強、民主黨許智峯、公民黨陳淑莊、熱血公民鄭錦滿、香港眾志羅冠聰、獨立司馬文及王維基。
