圖：鄺俊宇喺維基百科嘅簡歷，被人改為幾乎每四個字就加逗號
嘩，使唔使咁忙呀，見到都替佢哋覺得攰囉！話說民主黨鄺俊宇自創咗一套亂用逗號嘅「鄺體」，而且仲好似病毒咁四圍蔓延添。除咗日前插畫家Cuson畫咗幅「逗號很累，但逗號不說」嘅圖贈興之外，尋日仲有巴打更發現鄺俊宇喺維基百科嘅簡歷，被人改為幾乎每四個字就加逗號，呢款咁有個人特色嘅簡介，鄭晴，真係，大開，眼界。不過之後已經正常返喇。
而鄺俊宇日前就寫咗篇《愛情的逗號》，乘機回應，呢股，熱潮。文章講乜，鄭晴就唔分享喇，鄭晴睇完，腦海即刻出現一個大大嘅問號，之後就係一連串感嘆號呢！
已報名參選超區嘅仲有民建聯李慧琼、周浩鼎，工聯會王國興、民主黨塗謹申、街工梁耀忠、民協何啟明、公民黨陳琬琛、新民主同盟關永業。
