圖：李慧琼（左）尋日朝早去咗維園，探下晨運嘅市民
立會選戰如火如荼，喺「超區」界別競逐連任嘅民建聯主席李慧琼（Starry），噚日朝早就去咗維園，探下晨運嘅市民，又係Facebook上載咗一張「耍刀」相，姿勢仲有板有眼添，連鄭晴都要畀個Like佢。Starry係FB留言話：啱啱見到太極刀，即刻學返幾招，佢諗住明刀明槍，但師傅話係「斬妖除魔」。咦？乜師傅都覺得香江有妖氣咩？係咪指議會入面啲「拉布怪」啊？借用一句經典嘅廣告台詞：「要為民除害，唔使用刀嘅，用選票就得啦」。鄭晴又提提你，已報名「超區」界別嘅仲有民建聯周浩鼎、工聯會王國興、民主黨塗謹申和鄺俊宇、公民黨陳琬琛、街工梁耀忠、民協何啟明。
