圖：鄭晴尋日去睇國畫畫展，竟然「野生捕獲」樹根哥
鄭晴尋日去睇陝西藝術家王玉堂同張文娟喺大會堂嘅國畫畫展，竟然意外捕捉到野生嘅樹根哥（鍾樹根）。睇樹根哥個樣，十足地區人士咁，點都唔覺得佢似藝術家，點知原來佢除咗搞攝影之外，都鍾意搞文化藝術，仲係東區文藝協會主席添。樹根哥一邊笑鄭晴「有眼不識樹根」，一邊介紹個畫展嘅作品，分析得又似模似樣。佢勁讚王玉堂同張文娟作為陝西畫家，取材好多都係當地居民的生活場景，係好正嘅「本土」作品，自己作為香港本土擁護者，自然就要「本土撐本土」咁話。鍾樹根已報名參加港島區直選，在民建聯張國鈞名單排第二，該區參選名單還有工聯會郭偉強、新民黨葉劉淑儀、民主黨許智峯、熱血公民鄭錦滿。
