圖：鄧家彪新髮型大家點睇
工聯會立法會議員鄧家彪（Bill）早前轉咗個新髮型，唔單只電咗一頭鬈髮，仲gel行個頭添，比起以前傳統工聯會look，三七分界，整整齊齊咁梳嘅蛋撻頭，的確更清新、更新鮮。不過，阿Bill話，鄧太好似唔係幾鍾意佢呢個髮型，覺得咁樣唔夠老實喎。咁究竟邊個咁大整蠱，為阿Bill設計咗個鄧太唔喜歡嘅髮型呢？阿Bill就唔肯同鄭晴講喇，只話睇下過多幾個月會唔會剪過第二個髮型喎。
