圖：當初宣稱「羅黎舒」參選兩區三席，點知得番羅冠聰一個
香港眾志（「中箭」）主席羅冠聰尋日報名參選港島區直選，潛水多日嘅黎汶洛終於浮出水面，到場支持羅冠聰。咦，鄭晴覺得點解好似少咁啲人嘅？「中箭」組黨嗰陣，舒琪唔係話會積極考慮出選港島咩？身為「眾志」專家的網友仇思達當然唔會放過機會，尋日繼續發帖狙擊「中箭」：「『香港眾志』老千集團，當初宣稱『羅黎舒』參選兩區三席，殊不知退嚇一個，退嚇又一個……當初話要籌二百萬，原來係一個世紀大騙局。你籌完又唔選，按比例起碼嘔返三分之二捐款出嚟啦。」
羅冠聰、黎汶洛，今次真係要解釋清楚，咁唔老實都有嘅？「中箭」唔係好有承擔嘅咩？開頭又話派兩隊出選，之後又話唔夠錢，所以只派一隊，呢個理由好牽強啫！你哋唔係要為選民發聲咩？唔夠錢就唔選，咁你哋係為錢，定係為選民呢？仲有，舒琪去咗邊度啊？係咪要搵失蹤人口調查組？
已報名參選港島的還有民建聯張國鈞、新民黨葉劉淑儀、工聯會郭偉強、民主黨許智峯、熱血公民鄭錦滿。
