「鄺神」很出眾，但「鄺神」不說。所謂，報名要在截止前，「現代著名愛情散文家」、民主黨鄺俊宇，一早就報名參選「超級區議會」。佢接受記者訪問時講咗一段話，簡直，引起網絡，轟動，網民，邊睇，邊問候，哪來的自信？（逗號，出奇多，係「鄺神」專利；鄭晴嘅學習，由今日，篇文開始，請各位，多多，包涵。）

　　「自大鄺」係咁講嘅：「鄺俊宇喺芸芸候選人之中，一個比較特別嘅故事，佢能夠喺過去透過身份，獲得一啲支持……因為事實上係逆境波，但鄺俊宇唔會怕。」網絡作家「向西村上春樹」日前都發帖「抽水」，指呢種以第三人稱來稱呼自己嘅行為，叫「illeism」，美國就有狂人特朗普，而「香港終於有政治家能夠與西方接軌，誕生了使用『illeism』的代表人物」，就係「鄺神」。向西仲話，咁樣直接講自己嗰名，正常人都打冷震，「雖然鄺俊宇只是選超級區議會，但已經甚有美國總統候選人之功架及氣概。我好奇，究竟鄺俊宇自讀了多少次才能夠到達如斯境界呢？」短短兩日，已近五千人like。

　　其實，「鄺神」已經，好出名，點解，佢要不斷提，自己嗰名呢？到底，一個人，要幾有自信，先至可以可以咁，淡定呢？鄭晴，都要向「鄺神」，學習，學習。

　　數到十八日，已報名「超級議席」嘅仲有民建聯李慧琼、周浩鼎，公民黨陳琬琛、街工梁耀忠、民主黨塗謹申、民協何啟明。