圖：張宇人請記者食蛋撻
尋日係今屆立法會會期最後一次開大會，雖然星期六凌晨12 點就要同各位議員暫時Say Byebye，但 「怪醫」嘅 「拉布」手段仍然令好多人頭都痛埋。自由黨飲食界議員張宇人（Tommy）就趁大家收爐前，喺議會走廊推架 「蛋撻車」出來派點心，請傳媒行家同立法會秘書處 「食個撻」輕鬆下。
Tommy話，自己好鍾意食蛋撻，酥皮蛋撻更加係佢至愛，貪佢夠香夠鬆軟，簡直喺 「高層次」享受。不過，因為知道部分記者覺得酥皮太肥膩，所以都好貼心咁準備另一款牛油皮蛋撻，任君選擇。鄭晴試咗個酥皮撻，啲酥皮好有層次，唔覺得肥膩，同埋真係蛋有蛋味，仲好滑捋捋添。
