人稱 「鄺神」嘅 「愛情小說家」、民主黨元朗區議員鄺俊宇今年會代表白鴿黨戰超級區議會，宣傳攻勢非常強勁，將佢寫愛情小說嘅句式都搬到選舉文宣中，講真，鄭晴睇完有少少 「毛管戙」囉。估唔到民建聯鍾樹根都好留意 「鄺神」，不過唔係睇佢嘅愛情小說啦，樹根哥係留意到「鄺神」 「明目張膽」有塊橫額掛喺港島區未拆。於是 「根毛毛」就喺facebook發帖溫 馨 提 示 「鄺 神 」 ， 仲 好 抵 死 咁 打 埋 hashtag，話 「#我唔會投訴你嘅#快D拆喇# 唔係地政計你數」。
「鄺神」即刻留言回覆： 「你話樹根幾體貼，點解政治咁殘忍」，仲諗住乘機「抽水」，hashtag亦打埋 「都無得選」。「根毛毛」隨即反擊，改寫 「鄺神」喺橫額嘅口號： 「讓世代改寫你們的時代」，呢下 「反抽」真係 「靚抽」。
嗱， 「鄺神」啊，鄭晴喺度都提下你，呢塊橫額，真係數到三，就要拆啦。
