「跑馬溜溜的山上，一朵溜溜的雲喲……」尋日朝早特區政府嘅慶祝國慶酒會表演當中，四名香港青年演唱嘅四川民歌《康定情歌》原本溫婉動人，忽然間，一聲「伊，呀」嘅京腔亂入，即刻吸引咗全場嘉賓嘅注意。歌曲隨後又轉為Rap（饒舌），仲有一班街舞青年從旁配合，中西結合，令人耳目一新，成為全場亮點。
呢四名青年原來係以清唱為特色嘅組合「一鋪清唱」，負責改曲嘅成員陳智謙同鄭晴講，因係國慶節，所以想喺原曲中加入更多嘅中國元素，而第一反應就係京腔。
至於加入搖滾同埋Rap，係希望體現香港中西薈萃特色。咁有心思同創意，鄭晴忍唔住要為佢哋喝一聲彩啊。
