圖：唔少嘉賓都戴上襟章同特區慶生日，包括全國政協副主席董建華（右）
新一屆政府主要官員尋日正式宣誓就任，繼早前首次見傳媒時齊齊打上藍色領帶後，「三司十三局」成員尋日宣誓時，每人胸前都戴上印有國旗同區旗嘅襟章，令人覺得整齊又團結。有出席典禮嘅政界人士同鄭晴講，特區政府喺重要嘅升旗儀式，例如國慶日升旗禮，都會為出席嘉賓準備印有國旗同區旗嘅襟章，咁有意思嘅襟章，梗係戴成日啦，鄭晴尋日會場見到唔少嘉賓都立刻戴上，同特區一齊慶祝生日。
