匯璽睇樓人龍大打蛇餅(梁穎賢攝)
大公網3月10訊(記者梁穎賢)新地（00016）南昌站上蓋匯璽首批210伙以震撼價近1.9萬元出擊，低價效應響遍全城，示範單位大排長龍，由大堂排到對落一層。
市場消息指，匯璽成三盤風頭躉，示範單位今日未到開門時間已大排長龍，人龍由電梯大堂打幾圈蛇餅再屈落樓下一層，場面墟冚。代理指，因為今天是非假日又屬辦公時間，為免騷擾租客，睇樓客需要轉乘電梯前往示範單位，因而拖慢流程，加上睇樓客多，保守估計要排三小時始得其門而入。雖然有睇樓客不滿等候時間長，但因為新地的魅力，兼夾樓盤低開的叫座力，也心甘命抵等。
市場消息指，由於排隊時間較久，直接拖慢入票流程，可以肯定首批210伙已足額認購，估計最後埋單可逾500票。
