大公產品

首頁 > 产品 > 港东港西 > 正文

職訓局有新校舍 林鄭幫到手

時間:2017-02-17 03:15:13來源:大公網

  圖:陳鎮仁會力撐政綱承諾支持職專培訓嘅參選人/資料圖片

  特首選舉參選人林鄭月娥前排推出初步政綱,喺教育方面着墨較多。職訓局(VTC)主席陳鎮仁(Clement)同鄭晴透露,今年施政報告宣布向職訓局撥出茶果嶺地皮興建現代化校舍,時任政務司司長嘅林太都有幫手。

  Clement話,之前有搵過教育局同其他部門傾覓地起校舍嘅事,但政府內部就將個波踢嚟踢去,一直無進展,最後都係直接搵林太,靠佢督促部門做好呢件事。Clement指出,林太做司長嗰陣,都好支持VTC嘅工作,聽講佢去過新加坡考察,睇到當地職業教育嘅發展,覺得香港都有需要喺呢方面加強。

  Clement本身都係工業界(第一)選委,上屆特首選舉,工總全數18票提名唐英年,今屆就無捆綁提名。Clement就話,特首梁振英上任後,都很支持工總,工總與政府嘅關係都好好,佢自己就未決定支持邊個參選人。至於最終會投畀邊個,佢話要視乎邊個參選人嘅政綱承諾支持職專培訓喇。

  鄭晴

最新要聞

最新要聞

最受歡迎