海洋公園今個夏天又再出書！公園今年迎來40歲生日，唔單止推出40蚊門票，仲計劃聯同海洋公園保育基金及現代教育推出最新版本幼兒繪畫書，免費發放畀13萬名幼稚園學童，希望佢哋從細就培養環保意識。鄭晴聽講今次呢個故事係以海洋垃圾作為主題，由大家熟悉嘅「威威」以全新形象，並同另外六個朋友仔，包括最新嘅雪狐「美雪」，及企鵝「德仔」一齊喺海洋探險嘅故事，而且故事出現過嘅場景都可能會出現喺公園「威威天地」。
今次呢本繪畫係公園繼同麥當勞合作推出「親親大自然」後的第二本繪畫，會有中英文兩個版本。公園話，呢本都係試下水溫，如果反應好，未來可能會再推出多幾本兒童繪畫，或者更多唔同嘅語言版本。
