早前食環署考慮到公共安全，取消咗青年新政同香港民族黨喺維園年宵嘅攤位，市民可以行得安心，鄭晴都諗到呢兩個發緊年宵「掠水」夢嘅「港獨」組織會心心不忿。果然，「青政」梁頌恆同游蕙禎，尋晚八點半左右，突發咁走入維園原本投得嘅攤位，仲話「如果對我哋嘅賀年產品有興趣，歡迎現場搵我哋問下啊！」「青政」仲喺Facebook專頁話拉生意咁話，Paypal戶口終於解凍，可以繼續用嚟網上售貨喎。
至於香港民族黨，尋晚都去咗維園派「港獨」傳單，聲稱「絕不放棄宣揚民族意識及播導『香港獨立』的理念」，孰不知市民開開心心行年宵之際，見到呢班「港獨」友幾咁掃興！佢哋都將年宵產品放上網，希望公眾可以透過Paypal去買。
講來講去，都係為咗錢，查實香港是商業社會，買賣你情我願，賺錢無問題。但係搞埋啲激進衝擊、分裂社會行徑，去損人利己就絕對無得傾！係咪咁話？
