「河山只在我夢縈，祖國已多年未親近，可是不管怎樣也改變不了，我的中國心。洋裝雖然穿在身，我心依然是中國心，我的祖先早已把我的一切，烙上中國印……」有「愛國歌手」之稱嘅港區全國人大代表張明敏，唱過唔少家傳戶曉嘅金曲，呢首《我的中國心》係佢嘅代表作。民建聯立法會議員蔣麗芸（Ann姐）尋日就喺Facebook發帖，分享咗內地一位小男孩喺一個歌唱節目演繹《我的中國心》嘅短片，仲話自己每次聽到呢首歌都會流淚。
Ann姐話自己喺1983年首次到內地，當年《我的中國心》紅遍神州大地，眼見當時落後的內地，「看到家鄉農田裏與我同齡的女孩，我慶幸生於香港」。Ann姐之後問佢爸爸蔣震：「我們能為國家做什麼？」佢引述蔣震話：「國家要發展，就靠今天的執政黨，如果執政黨倒下，社會就亂，老百姓生活會更苦；身為香港人，為了國家發展，為了同胞有更好的民生就必須積極貢獻」。
