文｜鄭晴
本土民主前線梁天琦（「西瓜琦」）在本民前Plan B青年新政宣誓風波搞到雞飛狗跳後，就一直「潛水」，早前佢仲出返嚟同人講要去哈佛讀書添，即被人質疑佢「打完齋唔要和尚」。日前有電台就播咗佢嘅錄音訪問，曾經話「抗爭無底線」嘅「西瓜琦」，繼續講返自己縮沙嘅原因。
梁天琦話當初自己旺角暴亂期間講「抗爭無底線」，其實係唔想自揭底牌，講白啲，即係擔心畀支持者知道自己有底線，唔會有人再聽佢支笛。而家自揭底牌，同人講其實佢係有底線，係因為好驚會被即時還押失去自由，唔想坐監咁話。
儘管厚顏無恥至此，梁天琦亦無絲毫悔意，仲揚言話「將來一定有個爆發點，畀機會我們走返出來，到時會再號召人民決戰」。但此言一出，大批網民直呼「西瓜琦」係騙子，對佢反口覆舌、超級荒謬做法感到憤慨。網民Martin Luk留言直斥：「精人出口，笨人出手，推咗班腦殘廢物去前線便一走了之！」；還有網民譴責其行為是「又要威，又要戴頭盔，簡直是人渣」；亦有人笑他「其實是怕坐監」，「早知今日、何必當初」。
