大公網11月18日訊 選委會選舉提名期結束，一班參選人嘅宣傳品都陸續曝光。其中一個嘅宣傳品真係好爆，唔分享唔得。「每一條女都是一場運動，我們可以一齊X出一條新街」呢兩句咁九唔搭八嘅口號，估下係咩界別?竟然出自高等教育界，就係「學者抗命」何式凝嘅宣傳品啦！全部都係中文字，但加埋就唔知講咩。「每一條女」，何教授你係咪物化女性先? 可恥！仲有，用字真係有失斯文囉！
「學者抗命」日前係facebook專頁發帖之後，簡直係劣評如潮，何教授備受一班網民恥笑。識睇就一定睇留言。網民Florence Lau好幽默咁話：「加警告字眼呀唔該!」另一網民Christy Ho就話：「極低劣趣味俗不可耐，妳自己喜歡X街就好了，不要引導其他人跟妳一起X妳個街，樣醜不是罪，邏輯思考有問題才是最罪大惡極。」最幽默都係呢位網友Jeffrey Cheng，佢直接貼咗「新街」嘅截圖，留了「自便」兩字，真係笑死人咩！
