圖：象哥（中）尋日請記者喺中出會所食大閘蟹
又到食大閘蟹嘅好時節，進出口界議員、民建聯黃定光（象哥），尋日就拉埋佢所屬嘅中華出入口商會（簡稱中出）嘅副秘書長許華傑（Michael）、周浩鼎（Holden），一齊喺中出會所請記者食大閘蟹。象哥同鄭晴講，Michael會參與佢議員辦事處嘅工作，負責政策研究，日後可以多啲同Michael聯繫，又話自己嘅交棒人選已見端倪。咦，心水清嘅讀者都記得，Michael嘅爸爸許長青都做過進出口界議員，Michael自己就好謙咁話，象哥德高望重，有好多嘢要向佢學習，食完飯就要去工商事務委員會旁聽。有記者開玩笑咁問，如果象哥因宣誓問題被DQ（取消資格），係咪已經準備好接棒，Michael就笑言：「就算象哥被DQ，我哋都係會選返佢入去。」
