游蕙禎日前鬼祟去台灣，返港後又去銀行處理文件，之後就步上停喺銀行門口嘅一輛黑色平治房車，該平治司機就係「香港人優先」召集人張漢賢。不過呢，身為游蕙禎嘅「親密戰友」梁頌恆，今日就係facebook劃清界線，話「張秀賢我就識...張漢賢係乜水？咁都有得造新聞。」之後又話，「作為一個行內人，我專業建議你不如直接作話梁頌恆投左共，應該仲多click先係。」至於游蕙禎，今日係facebook就話「大公報幾時變左全港公信力第一既報紙？真心求救」
明明影到司機係張漢賢，都話造新聞，好心梁頌恆真係唔好咁幼稚啦！之前佢自己明明讀「支那」，又話「鴨脷洲口音」，誠信都破產啦！「造新聞」呢三個字出自梁頌恆把口，真係特別搞笑。
